1991 онд Зуунмод сумын Баянхошуу багийн багачуудыг цэцэрлэгт хамруулах зорилгоор гэр хороололд ХIII цэцэрлэг нэртэйгээр 2 бүлэгт 50 хүүхэд, 8 багш ажилтантай үйл ажиллагаагаа эхэлсэн.

Анхны эрхлэгч боловсролын тэргүүний ажилтан Д.Цогзолмаа ажиллажээ. 2015 онд улсын төсвийн хөрөнгө оруулалтын 919,5 сая төгрөгөөр 100 хүүхэд авах хүчин чадал бүхий шинэ барилга баригдаж, 2015 оны Х сарын 01-нээс Бумбардай нэртэйгээр үйл ажиллагаагаа явуулж, эрхлэгчээр нь Н.Отгончимэг ажилласан. Одоо 19 багш ажилтантай ажиллаж байна.