Улаанбаатар-Зуунмод чиглэлд авто тээврийн үйлчилгээ эрхлэгч ААН, иргэдээс ирүүлсэн өргөдлийн дагуу аймгийн ИТХ-ын дарга Н.Энхболд, аймгийн Засаг даргын орлогч Б.Батбаатар, Зуунмод сумын ИТХ-ын дарга Ж.Эрдэнэтоль, Засаг дарга бөгөөд Хотын захирагч Б.Хатанбаатар нар хот хоорондын зорчигч тээврийн бага оврын автобус, захиалгат такси үйлчилгээ эрхлэгч нарын төлөөллийг хүлээн авч уулзлаа.

Уулзалтын үр дүнд зорчигч тээврийн үйлчилгээг сайжруулах, цагийн хуваарилалтад онцгой анхаарч удирдлага зохион байгуулалтаар ханган ажиллахыг аймгийн Авто тээврийн төвийн дарга Н.Аасүрэнд даалгалаа.

Мөн үүсээд буй нөхцөл байдлаас шалтгаалан хоршоодын жолооч нарт хоорондоо уулзаж зөвшилцөх, цаашид иргэдийн аюулгүй, тав тухтай, хурдан шуурхай зорчих нөхцөл боломжийг бүрдүүлж ажиллах шаардлага байгааг санууллаа.