Зуунмод сумын ИТХ-ын дарга Ж.Эрдэнэтоль, Засаг дарга бөгөөд Хотын захирагч Б.Хатанбаатар нар “Төв Азза” ТӨХК-ны үйл ажиллагаатай танилцаж, авто зам засвар арчлалт цас цэвэрлэгээний талаар тулгамдаж буй асуудлуудыг сонслоо.

Уулзалтын үеэр “Төв Азза” ТӨХК-ны захирал Д.Болдбаатар Монгол улсын засгийн газраас авто зам засварын төрийн өмчит орон нутгийн компаниудыг нэгтгэж "АЗЗА нэгтгэл" ТӨХК болохтой холбоотойгоор зам засвар, арчлалтын үйл ажиллагаанд хүндрэл үүсч болзошгүй байгааг тайлбарлав. Хотын захирагчийн зүгээс цаашид авч хэрэгжүүлэх арга хэмжээнүүдийн талаар санал солилцож иргэдээс ирсэн санал гомдолд шуурхай арга хэмжээ авч хот доторх авто замын халтиргаа гулгаанд анхаарч ажиллахыг сануулж сум орон нутгийн зүгээс төсөв санхүүгээр дэмжиж ажиллахаа илэрхийлэв.