Зуунмод хотод UB Cab такси үйлчилгээ шинээр нэвтэрч өнөөдөр нээлтээ хийлээ. Нээлтийн арга хэмжээнд хувиараа такси үйлчилгээ эрхлэгч 30 гаруй жолооч оролцож, жолоочоор хэрхэн бүртгүүлэх талаар заавар зөвлөгөөг тус компанийн сургагч багш нараас авлаа.

Жолооч бүртгэл нь ХУРДАН системээр баталгааждаг тул хөдөө орон нутгийн жолооч нар салбар дээр очилгүйгээр шуурхай бүртгүүлэх давуу талтай юм.

UbCab онлайн такси үйлчилгээ нэвтэрснээр зөвхөн унаа дуудахаас гадна дуудлагын жолооч, шуурхай хүргэлт зэрэг үйлчилгээг авах боломжтой.