Иргэдийн аюулгүй орчныг бүрдүүлэх, гэмт хэргээс урьдчилан сэргийлэх зорилгоор Зуунмод хотод аймаг, сумын хөрөнгө оруулалтаар нийт 70 камер суулгасан. Тэгвэл энэ удаад орон нутгийн төсвийн хөрөнгө оруулалтаар Номт, Нацагдорж, БаруунЗуунмод багуудад чанарын шаардлага хангасан 32 ширхэг камерыг шинээр суулгах ажил явагдаж дууслаа. Энэхүү ажлыг “Инносольюшн” ХХК гүйцэтгэсэн бөгөөд камерын тоог нэмэгдүүлснээр хотын төвийг бүхэлд нь хянах боломжтой болж байна.