Баярын арга хэмжээг Зуунмод сумын ЗДТГ-ын дарга Г.Батжаргал хотын далбааг залах ёслолоор эхлүүлж, сумын ИТХ-ын дарга Г.Мөнхбадрал Зуунмод хот үүсэн байгуулагдсаны 82 жилийн ойн өдрийн арга хэмжээг нээлээ.

Хотын өдрийн үеэр 6 багийн Иргэдийн нийтийн хурлыг өдөрлөг хэлбэрээр зохион байгуулж, Засаг дарга бөгөөд Хотын захирагч Ч.Сарангэрэл хүрэлцэн ирсэн зочдод мэндчилгээ дэвшүүлж, бүтээн байгуулалт, хөрөнгө оруулалтын ажлуудыг танилцуулан төрийн болон хувийн хэвшлийн байгууллагууд иргэдэд үйлчилгээ үзүүллээ.

Мөн хотын өдрийг тохиолдуулан Зуунмод сумын үе үеийн удирдлагууд, ахмадуудын төлөөлөл болон хотын өдрөөр төрсөн 6 багийн харьяа өндөр настан, хүүхдүүдэд хүндэтгэл үзүүлж, “Зуунмод марафон-2024” сонирхогчдын гүйлтийн тэмцээнийг 2 дах жилдээ зохион байгуулсан юм.