Зуунмод сумын төсвийн хөрөнгөөр энэ онд Номт 1-р баг, Нацагдорж 5-р багийн нутаг дэвсгэрт 2 байршилд 3х3 сагсан бөмбөгийн стандартын шаардлага хангасан талбай шинээр байгууллаа.

Уг хоёр талбайг нээж ЕБС-ын сурагчдын дунд 3х3 сагсан бөмбөгийн тэмцээнийг зохион байгуулж байгаа бөгөөд тус тэмцээний нээлтэд Зуунмод сумын Засаг дарга бөгөөд Хотын захирагч Ч.Сарангэрэл, Засаг даргын орлогч Н.Энхсайхан, ЗДТГ-ын дарга Г.Батжаргал болон ЗААлбаны холбогдох мэргэжилтнүүд оролцож баг тамирчдад амжилт хүслээ.

Тодруулбал:

• Номт баг - Бугат 11, 12-р байр, Хуульчдын хотхон орчмын тоглоомын талбайд

• Нацагдорж баг - 19,20,21,22-р байрнуудын дунд тус тус талбай байгуулаад байна.

Мөн цаашид Манзушир өргөө хороолол 202, 404, 309, 406-р байрны орчимд 3х3 сагсан бөмбөгийн талбайг байгуулахаар төлөвлөсөн.