Хаан банкны 30 жилийн ойг тохиолдуулан нийгмийн хариуцлагынхаа хүрээнд Зуунмод хотод олон улсын стандартад нийцсэн 3Х3 сагсан бөмбөгийн талбайг байгуулан ашиглалтад хүлээлгэн өглөө. Олон улсын стандартад нийцсэн, эрүүл ахуйн шаардлага хангасан зориулалтын резинэн зөөлөвчтэй шал, материал, тоноглолоор хийгдсэн 3х3 сагсан бөмбөгийн талбай ашиглалтад орсноор “Хүний хөгжил-Эрүүл мэндийг дэмжих” урианы жилийн ажил болон Зуунмод хотын 80 жилийн ойг угтсан “80-Бүтээлч ажил” -ын бүтээн байгуулалт боллоо.