Пүрэв 2-р сар 22, 2018
Шуурхай мэдээ
Шуурхай мэдээ...

ХЭҮТ-ийн Төв аймаг дахь салбар нь аймгийн ГБХЗХГ, Дэлхийн зөн Төв ОНХХ, Зөв залуус клубтэй хамтран "Жендэрт суурилсан хүчирхийлэлтэй тэмцэх 16 хоногийн аян"-ыг зохион байгуулж байгаа билээ. Аяны ээлжит сургалт уулзалтаа бид ЕБС-ийн 8-9-р ангийн хөвгүүдийн дунд "Ухамсартай хөвгүүд" нэртэйгээр өнөөдөр зохион байгууллаа. Уулзалтаар жендэрт суурилсан хүчирхийлэл, цагаан туузтаны аян, эр хүн болж төрсний үнэ цэнэ зэрэг сэдвээр аймгийн Эрэгтэйчүүдийн холбооны тэргүүн Ч.Жадамба, активист Б.Отгонбаяр, активист Л.Оюунчимэг нар мэдээлэл сургалт хийсэн. Сургалт уулзалтад 4, 5-р сургууль, Хүмүүн цогцолбор сургуулийн 194 сурагч оролцож охид, эмэгтэйчүүдийн эсрэг хүчирхийлэл үйлдэхгүй гэдгээ амлан оролцлоо.

   

Ардын төрийнхөө их баяр наадамд 10 жилийн зайтай 2 удаа түрүүлж, 3 удаа үзүүрлэн, 6 удаа шөвгөрсөн  Төв аймгийн Угтаалцайдам сумын харьяат МУ- ын 14 дэхь аварга Давгацэрэнгийн Хадбаатарын алдарыг хүндэтгэн мөнхжүүлж амжилт бүтээлийг нь хойч үеийнхэндээ таниулах зорилгоор сумын цолтой болон залуу бөхчүүдийн 8 дахь удаагийн барилдааныг2017 оны 12 дугаар сарын 02-нд ивээн тэтгэж байгууллагуудтай  хамтран зохион байгууллаа.

Барилдаанд Архангай, Булган, Баянхонгор, Говь-Алтай, Завхан, Дорнод, Дорноговь, Өвөрхангай, Төв, Хэнтий, Ховд, Увс, Сэлэнгэ, зэрэг 13 аймгийн 65 залуу бөхчүүд хүч сорин барилдсанаас Зуунмод сумын “Хүмүүн” цогцолбор сургуулийн 2009 оны төгсөгч Завхан аймгийн Их-Уул сумын харъяат Зэвсэгт хүчний 350-р анги, Даян дэвжээний бөх сумын заан Д.Дэмиддорж түрүүлж Ховд аймгийн Дөргөн сумын харъяат сумын заан Л.Цэнд-Аюуш үзүүрлэв.

Барилдааныг Акума –Эрин ХХК-ны захирал Ж.Баттулга, Далай буян ХХК-ны захирал Л.Сэргэлэн, Угаалцайдам сумын нутгийн зөвлөлийн тэргүүн Ворлд гоулд ХХК-ны захирал Ц.Энхболд, нутгийн зөвлөийн гишүүн Чингис- групп ХХК-ны захирал Б.Сүрхийсайхан нар ивээн тэтгэж туслалцаа дэмжлэг үзүүллээ.